''വരം............

''പ്രണയ വല്ലരിയിൽ നിറയെ
പൂക്കൾ വിടർന്ന നിമിഷം
ഞാൻ ഒരു പൂവ് മാത്രമാണ്
നിന്നോട് ചോദിച്ചത്
നീ എനിക്ക് തന്നതോ 
ഒരു പൂമാല തന്നെ ആയിരുന്നു

ആ പൂമാലയും അണിഞ്ഞു ഞാൻ
ഒരു പുടവ മാത്രമാണ്
നിന്നോട് ചോദിച്ചത്
നീ എനിക്ക് തന്നത്
ഒരു മൂട്പടമല്ലേ?

എന്നിട്ടും ഞാൻ  നിന്നോട് ഇത്തിരി
 മണ്ണ് മാത്രമാണ് ചോദിച്ചത്
നീ എനിക്കായി ഒരുക്കിയത്
ഒരു ഖബർ തന്നെ ആയിരുന്നു

ആ ഖബറിലേക്ക് എന്നെ
വെക്കുമ്പോഴും കാണുന്നു ഞാൻ
പ്രണയ വല്ലരിയിൽ 
ഞാൻ ചോദിച്ച ആ പൂവ്
നിന്റെ കൈയ്യിൽ വീണ്ടും ഒരു
പൂമാലക്കായി ഒരുങ്ങി ഇരിക്കുന്നത് ...

                                         മുനീറ  നരിക്കോടൻ