.......... ഇണക്കുയിൽ..........

       .......... ഇണക്കുയിൽ..........

എന്റെ കളിമുറ്റത്ത് നീ വന്നു
പോയോ പ്രീയാ
നമ്മൾ ഒന്നായ് മൂളിയ  പ്രണയ ഗാനം
നീ വീണ്ടും ചൊല്ലിയോ

അവിടെ നമ്മൾ കെട്ടിയ
കളിവീട് കണ്ടോ
പ്രാണനാഥ നീ എന്നെ
കാത്തു നിന്നോ

മഴ മേഘമേ നീ എൻ
പ്രിയനേ നനയ്ക്കരുതേ
അവന്റെ പാദം
നോവാതിരിക്കാൻ മണ്ണിൽ
മുള്ളുകൾ വീഴരുതേ

പൂവിതൾ പോലും കൊഴിയരുതേ
നിന്റെ മനം വീണ്ടും വിതുബിയോ
നീ പിന്നെയും പിണങ്ങി പറന്നു പോയോ

ജീവിതത്തെ തോൽപ്പിക്കുന്ന
നിന്റെ കണ്ണുകൾകണ്ടു ഞാൻ
രാവും പകലും നീ
എന്നിൽ ഭ്രമമായി മാറി

മനസ്സിൽ ഒരായിരം വട്ടം നിന്റെ
മണവാട്ടി ആയി ഞാൻ
നിന്റെ രൂപം മനസ്സിൽ
കുളിരായി എന്നിൽ

നിനക്കായുള്ള ഉത്തരങ്ങൾ
കവിതയായി എഴുതി ഞാൻ
എന്നിട്ടും നീ പറന്നു പോയോ

ഒരു വട്ടം നീ എന്റെ അരികിൽ വരൂ
ഇനിയും പറയുവാനുണ്ട് ഏറെ  
കാലത്തിൻ വിരഹത്തിൽ
സുന്ദരമായ നീറുന്ന നോവുകൾ

പിറക്കും എന്നിൽ കവിതയായ്
കേൾക്കണം നീ അത് ഒരു വട്ടം എങ്കിലും

             ... മുനീറ നരിക്കോടൻ...

സ്വപ്നത്തിന്റെ നിറം

          സ്വപ്നത്തിന്റെ നിറം

എവിടെ നമ്മൾ കണ്ട നിലാവിൻ പ്രകാശം
നിന്റെ മരിക്കാത്ത ഓർമയിൽ
ഇവിടെ ഈ കുടിലിൽ ഞാൻ തനിയെ

കുടിൽ പൊളിച്ചു മാളിക തീര്ക്കാൻ
നമ്മൾ ഒന്നായ് കുഴച്ച ചായങ്ങൾ
നിഷ്കളങ്കമില്ലാത്ത മാദക രാത്രികൾ
എങ്ങു പോയ് എവിടെ മറഞ്ഞു

മാനത്തുള്ളോരു നിലാവിൽ മങ്ങാതെ
വന്നൊരു വെട്ടവും ചോദിച്ചു
എന്റെ സ്വപ്നങ്ങള്ക്ക് നിറം പകരാൻ
നിനക്ക് കഴിയാതെ പോയതെന്തേ...?

നക്ഷത്രങ്ങൾ ഇന്നെന്റെ കൈകളിൽ
വീഴുമ്പോൾ നിന്റെ ഓർമയിൽ
തളരാതെ പ്രകാശ പൂരിതമായ എന്റെ മുഖവും
നിശ്ചലമായ എന്റെ ശരീരത്തെയും
വാരിയെടുക്കുക നീ

നിന്റെ ഓർമ്മയിൽ വാടാതെയിരിക്കുന്ന
ഈ മുഖത്ത് മൂടുക നീ
വെളുത്ത തുണി കൊണ്ടായ്
അതായിരുന്നു എന്റെ സ്വപ്നത്തിൻ നിറവും

                 ........ മുനീറ നരിക്കോടൻ.......
 

കാത്തിരിപ്പ്‌

                  .........കാത്തിരിപ്പ്‌ ..............

വസന്തത്തെ തേടുന്ന വരണ്ട
നിന്റെ മിഴികൾ എന്നെ കാണാതെ
മടങ്ങുന്നുവോ നിലാക്കിളി
ഈ കുടിലിൽ മണ്ചിരാതിൻ മങ്ങുന്ന
വെളിച്ചവും നീ കണ്ടില്ലയോ

മാനത്തിലും മേഘത്തിലും നിന്റെ മുഖം
തേടുന്നു ഞാൻ നീ ഏവിടെ?
ഒരു കുഞ്ഞു പോലെ എന്റെ
അക്ഷരവും തിരക്കുന്നു നിന്നെ

ചുറ്റും ഇരുട്ടും ,കാമ ക്രോദങ്ങളുടെ
ചീറുന്ന കിന്നാരവും ,മദങ്ങൾ
നുരയ്ക്കുന്ന പട്ടണവും കണ്ണിൽ
ഇരുട്ടു കയറുന്നു തലയിൽ ക്രോധവും

ഞാൻ തല ചായ്ക്കാൻ
താവളമില്ലാതെ അനാഥമായ്
വേർപാടിൻ നൊമ്പരത്തീയാൽ
പുതച്ച് നടക്കുന്നവൾ

എണ്ണിയാൽ തീരാത്ത വേദനയാൽ
എണ്ണി തീർക്കാൻ കൊതിക്കുന്നവൾ

             ......മുനീറ നരിക്കോടൻ.......

 

......മോഹം....

          ......മോഹം....

കണ്ണും നട്ട് കാത്തിരിപ്പു എന്റെ
വീടിന്റെ കോലായിൽ അവൻ
എനിക്കായ് ജീവിതം ആരംഭിച്ചവൻ
എനിക്ക് വേണ്ടി പ്രാര്ത്ഥന ശീലമാക്കിയവൻ

എന്റെ ഹൃദയത്തിൽ വിഷമം
തട്ടരുതെന്നു കരുതുന്നവൻ
എന്റെ മക്കളെ പൊന്നു
പോലെ സംരക്ഷിക്കുന്നവൻ

ത്യാഗിയാണ് അവൻ ,
ശന്തനാണ് അവൻ
ക്ഷമയുടെ പര്യായമാണ് അവൻ
എന്റെ കാലിൽ മുള്ള് തറച്ചാൽ
വേദനിക്കുന്നതോ അവന്

എന്റെ ദേവാലയത്തിലെ
ദേവനാണ് അവൻ
ഏതു നേരവും കുടുംബത്തിനു
വേണ്ടി കഷ്ട്ടപ്പെടുന്നവൻ
കണ്ണുകൾ കൊണ്ട് എന്നോട്
കഥ പറയുന്നവൻ

എനിക്ക് ആശ്വാസമായ്
ആശ പോൽ വാക്കുകൾ ഉതിർക്കുന്നവൻ
എന്റെ ദാഹനീർ ആണ് നീ .
എന്റെ തണലാണ്‌ നീ .
എന്റെ കരളിന്റെ കുളിരാണ് നീ .
എനിക്ക് ഒരു കൂട്ടുകാരനയ് 
മാറിയവൻ നീ

ഈ യാത്ര തീര്ന്നു ഞാൻ
മണ്മറഞ്ഞാലും എന്റെ ഓര്മ കൊണ്ട്
ജീവിക്കുമെന്ന് സ്വപ്നം കണ്ടവൾ ഞാൻ
പക്ഷെ  ഈ യാത്രയിൽ തന്നെ
എന്നെ ഒരു  ഒര്മയായി  മാറ്റിയവൻ  നീ

എല്ലാം വെറും സ്വപ്‌നങ്ങൾ  മാത്രം
ചോരവർന്നോഴുകും  ഹൃദയത്തിന്റെ
നടക്കാത്ത  മോഹങ്ങൾ എല്ലാം ......

        ................മുനീറ നരിക്കോടൻ........