''ഓർമ്മകളെ കേൾക്കുക
അവന്റെ വശ്യമാം മൊഴികൾ
ഓരോ നോക്കിലും,ഓരോ മൊഴിയിലും
എന്നിൽ ഉണര്ത്തിയ ആത്മ നിവൃതികൾ
മനസ്സില് അടക്കി ഭരിച്ച
കിനാവിന്റെ പാഴ് വാക്കുകൾ
ഇത് ദേവ വാക്കുകളോ,അസുര വാക്കുകളോ
ഇടകലര്ത്തിയ ജീവിത താളമായി മാറിയിരുന്നു
മനസ്സിലെ മേഘ പാളികൾക്കപ്പുറത്തും
അനന്ത മായി നീണ്ട അവന്റെ മൊഴികൾ
ജീവിതത്തിന്റെ ഇരുട്ടിൽ
സുര്യ രശ്മിയായി വെളിച്ച മേകിയിരുന്നു
ശൂന്യമായ മനസ്സിന്റെ പാളിയിൽ
ജീവൻ തുടിച്ചിരുന്നു
അവന്റെ മൊഴികൾ കേൾക്കുമ്പോൾ
ഉള്ളിൽ ജീവൻ വച്ച ഏതോ
അഞ്ജാത ചലനങ്ങൾ
എത്രയോ ആയിരം ദിനങ്ങളിലെന്റെ
പ്രാണന്റെ പരിണാമങ്ങളിൽ
കാലടികൾ നൃത്ത ചുവടുകളായി
ജീവിതത്തിൽ മഹാ പ്രളയമായി മാറിയ നിമിഷങ്ങൾ
അവന്റെ ഓരോ മൊഴികളും
എന്റെ ജീവിതത്തിന്റെ ഇതളുകളിൽ
മൃദുവായി സ്പര്ശനം എകവേ
ഏതോ അസുര നിമിഷത്തിൽ
താളം പ്രകമ്പനമായി മാറിയോ?
എന്റെ നൊമ്പരം നിനക്കിന്ന് ഹര്ഷാരാവങ്ങളോ ,,,,,,,?
മുനീറ നരിക്കോടൻ
No comments:
Post a Comment