ഒരിക്കൽ കൂടി.........

''വീണ്ടും എനിക്കായി ആ ഗാനം
ഒന്ന് മൂളിടുവാൻ നാഥാ
നീ അണയുമോ ചാരെ

നമ്മൾ ഒന്നായി പാടിയ
മധുര ഗാനങ്ങൾ ഒക്കെയും
ഇന്ന് വിരഹ ഗാനമായി
മാറിയതും നീ അറിയുന്നുവോ?

നീ പാടി പതിഞ്ഞ ഗാനങ്ങൾ ഒക്കെയും
പാട്ടിന്റെ ഈരടിയും
ഇന്നെന്റെ കണ്ണുകൾ
ഈറൻ  അണിയിക്കുന്നു

അറിയുന്നു തോഴാ നീ
എനിക്ക് അഭയമേകിയ
ശാഖകൾ ഒക്കെയും വെട്ടി മാറ്റിയത്

എങ്കിലും എരിയുന്ന
തിരിനാളമായി തിരയുന്നു നിന്നെ
ഒരു തരി വെട്ടം നിനക്കായി
സൂക്ഷിപ്പു ഞാൻ 

നിന്റെ ഓർമ്മകൾ
എന്നിൽ വളരുമ്പോൾ
നിദ്രകൾ എന്നിൽ നിന്നും
അകലുന്നു നാഥാ

ഒരു പുതിയ ഗാനത്തിൻ
ഈരടിയുമായി
നീ വരുമ്പോഴേക്കും
ഈ ബലി  പറവ പറക്കട്ടെ
 
ചിറകിൻ ശക്തി ശയിചിടും
മുന്നേ അകലങ്ങളിലേക്ക്

                                        മുനീറ നരിക്കോടൻ