എന്റെ സത്യം.........

''ജീവിതത്തിന്റെ വഴിയിൽ
കാട് പിടിച്ച കുറെ ഓർമ്മകൾ
ആ ഓർമ്മകളിൽ കവിതകൾ
വിരിഞ്ഞപ്പോൾ കവിതകൾ
അവളോട്‌ ചോദിച്ചു ''ആരാണ് നീ''
ഈ അവഗണിത ജീവിതത്തിൽ
എന്തിനു തുടരുന്നു ?

ചോദ്യങ്ങൾ എന്നും ചോദ്യങ്ങൾ
അവസാനം അവൾ ഉത്തരം കൊടുത്തു
''ഒരു ഏകാകിനിയുടെ ജീവിതമാണിത്'
'പ്രാണനാഥാൻ  ചതിയനാണെന്ന് അറിഞ്ഞിട്ടും
അവനെ കാത്തിരിക്കുന്ന ഒരേ ഒരു പ്രണയിനി..''.

ഉത്തരം അറിഞ്ഞ നിമിഷം
കവിതകൾ അപ്രത്യക്ഷരായി
അവൻ ചതിയനാണെന്ന്
മനസിലാക്കികൊടുക്കാൻ
ഈ ജീവിതം അവസാനിപ്പിക്കേണ്ടി വന്നു അവൾക്ക്

''പ്രണയിനി എവിടെ?
കവിതകൾ തിരഞ്ഞു

''കവിതകളേ...........
 ആ നിര്ഭാഗ്യവതിയുടെ മുന്നിലാണ് നിങ്ങൾ....

                               മുനീറ നരിക്കോടൻ